Stádaarkijvva

Stádaarkijvva l arkijvva Stockholma stádaj ja Stockholma lenaj.

Dánna tjuovo Stockholma viesádijt ja stáda åvddånimev gasskaájges udnátjij. Dat la máhttelis arkijvaj diehti ma li álmmuktjáledimes, tsieggimsiebrrerádes, duobbmoståvlåjs, skåvlåjs, polijsas, idråhttåsiebrrerádijs, politijkkapartidjajs ja ållo ietjá arkivajs.

Dánna oattjo moattedimijt árvvobágojs ja åbmudaktjállusijs ja dahkat berajguoradallamijt, diedojt oadtjot sosiáladievnastusá arkijvas ja iehtjádijs. Lissta máhttá vájk man guhkke sjaddat. Stádaarkijvan gávnnuji arkijva ienep gå 5000 dåjmadagájs Stockholman ja diedo maŋenagi dievvi. Gietjan låbdåjn Stádaarkijvan Kungsklippan ja guovten várreluojtádagán Stádaarkijvan Liljeholmskajen gávnnuji uddni birrusin 9 mijla tjállusa.

Jagen 2030 li Stádaarkijvan jáhkkelis 14 mijla arkijva.

Stádaarkijvva oattjoj ietjas ådålágásj organisasjåvnåv 1930 ja barggá Kultuvrrasiebrreráde vuolen Stockholma stádan. Stádaarkijvva l aj lánndaarkijvva Stockholma lenaj Rijkkaarkijva gåhttjoma milta.

Buorisboahtem mijájn aktavuodav válldet ja guossidit mijáv. Vuollelin vuojná mijá rabásájgijt, aktavuohtadiedojt, gållo- ja giehtadallamájgijt ja gåktu mijá arkijvajda gávna.

Rabásájge

Stádaarkijvva Kungsklippan

Mánnodagá-Gasskavahko 11.00–18.00
Duorastagá 12.00–19.00
Bierjjedagá 11.00–15.00

Stádaarkijvva Liljeholmskajen

Mánnodagá dahppot
Dijstagá-Gasskavahko 11.00–16.00
Duorastagá 12.00–19.00
Bierjjedagá 11.00–15.00

Válde aktavuodav mijájn

Telefåvnnå: Mánnodagá-bierjjedagá 10.00–12.00
Nummar: 08-508 28 303
E-påvsstå: stadsarkivet@stockholm.se

Rávvima

Dån máhtá moattádagájt jali oanep tjállusijt arkijvajs rávvit. Stádaarkijvva vásstet duv gatjálvisájda, moattet jali tjálet åni tjállusijt.

Mij vásstedip duv gatjálvisájda ruvva máhttelis. Ássje duogen la man guhkev vásstádus gáhtu valla ienemusát gålmmå jali vihtta vahko.

Gatjálvisájda ma sosiáladievnastimássjida gulluji válldá giehtadalle dujna aktavuodav gávtse vahko sinna.

Hatte

Moattádagá tjállusijs páhppára nanna jali digitálalattjat: 4 kråvnå moattádagás.

Täkstaoasse: 125 kronor.

Ietjá gatjálvisájda máhttá 225 kråvnå máksusin boahtet juohkka álggem 15 minuvtas. Mij de dujna aktavuodav válldep.

Gájkka hattijda gullu momssa.

Guossida mijáv

Dån la aj buorisboahtem iesj åtsådittjat. De tjállusijt rávvi mijá låhkåmlanjájda, ij majdik mávse. Dajt arkijvvatjállusijt majt sidá vuojnnet viedtjap gåjt 30 minuvtan. Dån máhtá tjállusijt ietjat kamerijn gåvvit jali mijá vädtsagij moattedit.

Stádaarkijvan aj máhtá lågådallamijn mannat, hávsskudallamijn oassálasset ja vuosádallamijt vuorkájn dinngot måttijn temájn. Dån gávna ájggeguovddelis prográmmav dánna Stádaarkijva webbasajen.

Buorisboahtem!

Gávna mijá lusi – Stádaarkijvva Kungsklippan

Kartlager
Teckenförklaring
Verktyg
Sökresultat

Gávna mijá lusi - Stádaarkijvva Liljeholmskajen

Kartlager
Teckenförklaring
Verktyg
Sökresultat

Uppdaterad